Hálidivččet go leat veahkkin ovdánahttit Sámedikki válgaortnega ja sámi demokratiija?

Se under for stillingsutlysning på norsk Sámediggi lea nationála álbmotválljen orgána sápmelaččaide Norggas. Sámediggi bargá politihka ja hálddahusa bokte vai sápmelaččat besset sihkkarastit ja ovdánahttit gielaset, kultuvrraset ja servodateallima. Sámedikki bargin lea dus vejolašvuohta doalvut Sámedikki min višuvnna guvlui Ovttas nannet Sámi.

Ráđđeaddi – Seniorráđđeaddi Virggi birra Sámedikki válggaid ja parlameantahálddašeami juhkosis lea rabas virgi guovtti jahkkái Sámedikki válgaortnetlávdegotti ja Sámedikki demokratiijalávdegotti čállingottis. Dus šaddá leat guovddáš rolla Sámedikki nammáduvvon almmolaš lávdegottiid Njuovččageahči- Sámedikki demokratiijalávdegoddi ja Sámedikki válgaortnetlávdegotti čállingotti mandáhtaid čađaheamis.

Mii ohcat du gii leat hárjánan almmolaš hálddahuslaš ja guorahallan doaimmaid bargat ja gii háliidat veahkkin ovddidit láhkarievdadus- ja guorahallanbargguid mat gusket Sámedikki válgaortnegii ja sámi demokratiija ovdáneapmái obbalaččat.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat.

Juste dál leat mis guoros kántorlanjat Kárášjogas, Guovdageainnus, Vuonnabadas, Aarbortes, Skániin, Snoasas ja Ájluovttas Hápmiris.

Lávdegottiid bargguid oktavuođas ferte vuordimis mátkkoštit veahá.

Barggut Dan virggis leat earret eará čuovvovaš barggut: • Áššemeannudeapmi Sámedikki válgaortnetlávdegoddái ja Sámedikki demokratiijalávdegoddái láhka- ja njuolggadusaid rámmaid siskkobealde maid Sámediggi čuovvu ja lea mearridan, ja siskkobealde mandáhta mii lea mearriduvvon dievasčoahkkimis ja mearriduvvon áigemeriid • Lagas ovttasbargu ja gulahallan lávdegottiid čállingotti jođiiheddjiin ja lávdegotti nammáduvvon jođiheaddjin • Čađahit guorahallanbargguid ja diŋgot dárbbašlaš fágalaš guorahallamiid Sámedikki válgaortnetlávdegotti ja Njuovččageaži- Sámedikki demokratiijalávdegotti ovddas • Beaktilit čuovvolit lávdegottiid diŋgojumiid, áššeovddidemiid čállit ja čuovvolit lávdegottiid mearrádusaid • Gulahallat ja ovttasbargat Sámedikki hálddahusain siskkáldasat ja ovttasbargoguimmiiguin olggobeale Sámedikki • Čoahkkimiid, mátkkiid ja eará doaimmaid plánet válgaortnetlávdegoddái ja Sámedikki demokratiijalávdegoddái • Čađahit čoahkkimiid sihke fysalaččat ja digitálalaččat ja oassálastit čoahkkimiidda maid Sámedikki válgaortnetlávdegoddi lágiida ja čállit čoahkkingirjjiid • Gaskkustit válgaortnetlávdegotti ja demokratiijalávdegotti bargguid bohtosiid iešguđet ulbmiljoavkkuide • Bargat lávdegottiid bargguid dokumentašuvnnain ja arkiveremin sierra plána vuođul • Vejolaš čuovvolanbarggut lávdegottiid guorahallamiin ja evttohusain, ja veahkkin ovdánahttit boahttevaš lávdegottibárgguide rámmaid, omd. njuolggadusaid ja rutiinnaid.

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Gelbbolašvuohta Dus ferte leat: • Mastergráda dahje vástideaddji oahppu ja bargohárjáneapmi juridihkas, servodatdiehtagiin dahje politihkalaš diehtagiin. • Buorre digitála gelbbolašvuohta (ovdamearkka dihte vásáhus ovttasbargoreaidduiguin nugo Sharepoint,Websak+, Teams ja Microsoft 365) • Nanu gulahallanattáldagat ja máhttu sámi servodaga birra, maiddái davviriikalaš dásis • Hui buorre čálalaš ja njálmmálaš ovdanbuktinmáhttu dárogielas

Lea ovdamunni jus dus leat maid: • Njálmmálaš ja čálalaš gelbbolašvuohta davvisámegielas, ja áinnas maddái eaŋgalasgielas • Almmolaš hálddašeami máhttu (jus dus ii leat dát, de fertet leat gearggus oahpásmuvvat dainna maŋŋel go leat álgán virgái

Persovnnalaš iešvuodat

Vai lihkostuvat dán rollas, de lea dehálaš ahte dus leat buorit ovttasbargodáiddut ja ahte liikot ovttasbargat lagas oktavuodas earáiguin olahit oktasaš mihtuid.

Don leat fleksibel ja heivehahttî, ja gieđahalat vuorddekeahtes bargguid ja rievdadusaid ráfálaččat ja čoavddusvuloš vuogi mielde. Dasa lassin dus leat buorit analyhtalaš gelbbolašvuodat, ja leat čeahppi oahpásmuvvat, áddet ja geavahit relevánta lágaid ja njuolggadusaid bargguid čoavdimis. Virgi gáibida maid ahte dus lea máhttu váldit initiatiivva, jođihit proseassaid main leat oanehis áigemearit.

Gelbbolašvuoda árvvoštaladettiin deattuhuvvo oahppu, bargoduogáš, persovnnalaš heivvolašvuohta virgái. Geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá. Bargoaddi galgá láhčit dili nu ahte ođđa bargi sáhttá čađahit sámegieloahpu ovdalgo guokte jagi leat vássán virgádeami rájes.

Ohcanáigemearri 30.10.2026

Mii fállat Min luhtte beasat bargat miellagiddevaš bargguid Sámedikki máŋggabealat birrasis. Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmálaš ja čálalaš sámegielgelbbolašvuođa ovdal go mii olahit mihttomeari. Sámediggi čuovvu stáhta láhka- ja šiehtadusdoaimma.

Min luhtte oaččut • Buriid loatna- ja ealáhatortnegiid Stáhta penšuvdnakássas, gessojuvvo 2% bálkkás Stáhta penšuvdnakássii. • Buohkain geat ásset guovlluin gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 60 000 ru rádjai, sii ožžot maiddái sierra vearrogessosa. • Nuvttá mánáidgárdesadji Finnmárkkus ja Davvi-Romssas • Máškidis bargoáigi ja eará buorit čálgoortnegat • Vahkkosaččat sáhttá hárjehallat diimmu bargoáiggis • Gelbbolašvuođaloktema sámegielas ja kulturipmárdusas

Máŋggabealatvuohta Sámedikkis Mii oaivvildit ahte fátmmasteapmi ja máŋggabealatvuohta lea givrodat. Mii háliidit mielbargiid geain lea iešguđetlágan gelbbolašvuohta, fágakombinašuvnnat, eallinvásáhusat ja perspektiivvat vai barggut čovdojuvvojit vel buorebut. Sámediggi ávžžuha evttohasaid, geain lea gelbbolašvuohta, ohcat bargui beroškeahttá agis, sohkabealis, nationála dahje čearddalaš duogážis, doaibmavádjitvuođas dahje CV ráiggis. Sámediggi lea IA-(SB) bargosadji (Searvadeaddji Bargoeallin) ja deattuha bargodilálašvuođaid heiveheami iešguhtege mielbargái. Bálká- ja bargoeavttut Virgi bálkáhuvvo Stáhta regulatiiva mielde virgekodas 1434 Ráđđeaddi, 620.000 ru. -850 000 ru. / 1364 Seniorráđđeaddi 690.000 ru -950.000 ru, vuolgá ohcci bargohárjáneamis ja gelbbolašvuodas. Bálká mearriduvvo ohcci bargohárjáneami ja gelbbolašvuođa vuođul. Virgekodii 1364 Seniorráđđeaddin gáibiduvvo dábálaččat masterdási oahppu ja guhkit relevánta bargohárjáneapmi. Virgádeapmi dahkkojuvvo gustovaš lágaid, njuolggadusaid ja šiehtadusaid olis. Virggis lea 6 mánu geahččalanáigi.

Ná ozat virgái min lusa Orru go virgi miellagiddevaš ja háliidat go ohcat? Jus galggat registrerejuvvot siskkaldas ohccin, de fertet sáddet ohcama DFØ HR bokte. DFØ HR siidduid listtus gávnnat “Karrierer” nammasaš siiddu, gosa buot siskkaldas virgealmmuheamit biddjojuvvet, ja gos don maiddái sáddet ohcama. Mii bivdit du bidjat mielde oahppo- ja bargoduođaštusaid ja ohcanreivve. Mii bivdit du namuhit unnimusat guokte referánssa juogo ohcanreivves dahje CV:s. Jus dus lea oahppu olgoriikkas, de bivdit mii du bidjat mielde dohkkeheami Alit oahpu- ja gelbbolašvuođadirektoráhtas. Don gávnnat eanet dieđuid dan birra dás: Søk godkjenning av høyere utdanning (bachelor, master, ph.d) | HK-dir (hkdir.no). Mii árvvoštallat du ohcama daid dieđuid vuođul maid leat sádden midjiide go ohcanáigemearri lea dievvan. Lea danne dehálaš ahte don čájehat movt du gelbbolašvuohta deavdá gelbbolašvuođagáibádusaid mat leat čilgejuvvon almmuhusas.

Ohcciidlistu Go ohcanáigemearri lea dievvan, de ráhkadit mii almmolaš ohcciidlisttu. Jus it hálit iežat nama oidnot dán listtus, de fertet russet ja čilget dan ohcamušas. Mii váldit oktavuođa duinna jus eat sáhte vuhtiiváldit du sávaldaga čiehkat nama ohccii